Quelle : Dr Erik Schneider
3 Froen un den Dr Erik Schneider vun Intersex & Transgender Luxembourg asbl
20/07/2021
Deutsche Zusammenfassung lesen
Der Verein Intersex & Transgender Luxemburg asbl hat sich zum Ziel gesetzt, Menschen in Luxemburg zu unterstützen, die nicht den aktuellen Normen der Geschlechtsidentität entsprechen. Zu diesem Zweck informiert sie Experten und die breite Öffentlichkeit über 3 Themenbereiche:
Transidentität, das heißt die Tatsache, dass man sich nicht mit dem Geschlecht identifiziert, das einem bei der Geburt zugewiesen wurde.
Intersexualität, das heißt die Tatsache, dass die Geschlechtsmerkmale bei einer Person nicht alle einem Geschlecht entsprechen. Es handelt sich um eine Variation der Geschlechtsmerkmale.
Nicht-Binarität, das heißt die Tatsache, dass man sich nicht in den Kategorien der binären Geschlechtsidentität (weiblich/männlich) wiederfindet.
Zu den weiteren Dienstleistungen des Vereins gehören Einzelbetreuung und Gesprächsgruppen. Junge Menschen, sowie ihre Eltern, können hier Informationen finden, sich mit anderen austauschen und Antworten auf ihre Fragen erhalten.
1. Wat sinn är Ziler a mat wat fir engen Theme beschäftegt dir iech?
Eise Veräin Intersex & Transgender Luxembourg asbl huet sech als Zil gesat, d’Liewenssituatioun vu Mënschen zu Lëtzebuerg ze verbesseren, di de momentane Geschlechternormen net entspriechen. Dat erreeche mir duerch d’Weidergi vun Informatiounen un Eenzelpersounen a Gruppe vun interesséierte Fachwëssenden, Privatpersounen an un d’Ëffentlechkeet.
Mir hunn 3 Themenschwéierpunkten:
- Trans‘ (mat senge Variatiounen), dat heescht Mënschen, där hir Geschlechtsaschreiwung bei der Gebuert net mat hirer geschlechtlecher Selbstwahrnehmung (och Geschlechtsidentität genannt) iwwertenee stëmmt.
- Intersex (och Intergeschlechtlechkeet), dat heescht wa bei engem Mënsch di kierperlech Geschlechtsmierkmoler* net all engem Geschlecht entspriechen. Dann handelt et sech ëm Variatioune vun de Geschlechtsmierkmoler. (*gemäß medezinescher Normen).
- Als net-binär bezeechnen sech Mënschen, di sech net an de binäre Geschlechterkategorien (weiblech/männlech) rëmfannen. Hiert Geschlechtsemfanne ka fléissend, dat heescht wiesselend sinn, di zwee Geschlechterkategorien ëmfaassen, guer net virleien oder sech nach aneschters duerstellen.
2. Wat fir eng Offer hutt dir fir Jonker?
- Individualbegleedung: op Nofro
- Jugend- an Elteregruppen: jeeweils eng Kéier am Mount
- Familljen- an aner Veräinstreffen: 2-3mol d’Joer
3. Mat wat fir enge Froe setzen sech di Jonk auserneen a wat kënnen si maache fir Äntwerten ze fannen?
Heefeg gestallte Froe vun deene Jonke sinn ënner anerem:. „Sinn ech trans‘?“, „Wéi reagéiere meng Elteren?“, “Wëll ech e Comingout maachen (mech anere matdeelen) oder stealth (onsiichtbar als transPersoun) liewen? Wa jo, wéi?“, „Wat muss ech man, fir Hormoner ze kréien?“, „Wéi geet dat, mat der Ännerung vum Virnumm a Geschlecht fir d’Pabéieren?“, „Wat kann ech bei Problemer an der Schoul oder doheem man?“
