Source : Croix-Rouge
3 Froen un d’Claude Lamesch, Educatrice bei Jugendwunnen am Quartier Arboria
14/01/2021
Lire le résumé en français
Les raisons pour lesquelles les jeunes ne peuvent plus rester dans leur foyer sont multiples. L’éducatrice Claude Lamesch travaille pour le projet pilote Jugendwunnen am Quartier Arboria. Les structures Jugendwunnen accueille des jeunes qui ont une certaine autonomie. Contrairement à d’autres structures, le projet Arboria leur permet de rester, même si leur situation change. Aux jeunes Claude Lamesch conseille de ne pas abandonner trop vite et de ne pas partir sur un coup de tête de leur foyer.
Une demande de logement peut être faite via un formulaire en ligne. Pour toutes questions relatives au projet Jugendwunnen am Quartier Arboria, tu peux appeler au tél.: 2755.
1. Wat si Grënn firwat e Jonken net mi kann doheem bleiwen?
D’Grënn si ganz breetgefächert, mee déi meescht sinn zeréckzeféieren op Konfliktsituatioune mat den Elteren oder eng Sortie aus enger anerer sozialer Struktur. Aner Grënn kennen och finanziell Nout, Wunnengsnout, Migratioun a gesondheetlech Problemer sinn.
2. Dir schafft fir e Pilotprojet, wat ass besonnesch um Jugendwunnen am Quartier Arboria ?
Et gëtt jo schonn d’Formule vum logement encadré wou Jonker kennen opgeholl gi wann se net méi an der Famill kenne wunnen, respektiv ze al si fir weider am Foyer kennen ze bleiwen. Do kréien se reegelméisseg Suivi vun engem*er Educateur*rice, deen se op hirem Wee an d’Selbststännegkeet begleet.
Jugendwunnen ass geduecht fir déi Jonk déi schonn esou selbststänneg sinn, datt se net un esou eng Begleedung méi gebonne sinn, net méi kennen doheem bleiwen an awer um private Marché keng Méiglechkeet hunn, eng Wunneng ze kréien. Op fräiwëlleger Basis kann een sech bei ons awer selbstverständlech Rotschléi a punktuell Hëllefsstellunge siche kommen.
Wat ons ënnerscheet vun den anere Jugendwunnstrukturen ass, datt wann engem Jonken seng Situatioun sech verschlechtert, hien oder hat net onbedéngt muss an eng Struktur goen déi senger Situatioun ugepasst ass, mee bei ons bleiwen an zousätzlech Hëllefsstellung iwwert den Office national de l’enfance kréie kann.
3. Wat wëllt dir de Jonke mat op de Wee ginn?
Ech hunn d’Gefill datt sech déi Jonk hautdesdaags alt ze schnell entscheede fir vun doheem fortzegoen an heiansdo net genuch probéiere fir d’Situatioun an de Grëff ze kréien. Eleng ze wunne klengt immens cool, mee den Alldag ganz eleng mussen ze meeschteren nieft der Schoul / Ausbildung / Aarbecht an dat ouni Ënnerstëtzung vun den Elteren, ass net esou einfach.
Dofir mäin Rot un all Jonke: Gitt net ze schnell op a probéiert onbedéngt iech mat den Elteren auszeschwätzen. Dëst kennt dir eventuell och mat Hëllef vum Sepas maachen oder enger Persoun déi der Famill nosteet a vläicht als Intermediaire kann Ënnerstëtzung ginn.
