An eiser Serie „3 Froen un…“ loosse mir Experten an Organisatiounen direkt zu Wuert kommen. Dës Kéier ass et d‘Christa Brömmel, d’Coordinatrice vum Cesas, dem nationale Referenzzentrum fir d’Promotioun vun der affektiver a sexueller Gesondheet.
Source : Den Team vum Cesas – engagéiert fir deng sexuell an affektiv Gesondheet
3 Froen un de Cesas
04/10/2023
Lire le résumé en français
En tant que centre de référence pour la promotion de la santé affective et sexuelle, le Cesas n’intervient pas sur le terrain, mais organise surtout des formations, des évènements, et des outils pédagogiques pour les professionnels des secteurs de l’éducation et de la santé.
La sexualité est un aspect central de l’être humain tout au long de la vie. La santé sexuelle est un état de santé physique, émotionnelle et mentale en matière de sexualité. Elle exige une approche positive et respectueuse de la sexualité et des relations sexuelles. Chaque personne a des droits sexuels, par exemple le droit de vivre et d’exprimer sa sexualité ou le droit d’être protégé·e contre la discrimination.
Aux jeunes, le Cesas, ensemble avec d’autres acteurs du secteur de la santé, propose le site d’information mengverhuetung.lu sur les différents moyens de contraception et une réorientation en cas de soucis ou questions par rapport à leur santé affective et sexuelle, vers un service compétent qui pourra leur aider.
Tous les 18 mois, la Semaine de la santé affective et sexuelle propose un grand nombre d’événements, formations et activités au grand public et aux professionnels·les.
D’autres projets avec la collaboration du Cesas sont :
- Let’s Talk about Sex!, qui a comme but d’équiper les professionnels qui travaillent auprès des jeunes, afin qu’ils puissent mieux répondre aux questions ou soucis des jeunes par rapport à la sexualité.
- le site d’information sur la sexualité safersex.lu (en construction), qui s’adresse aux jeunes.
En cas de questions ou de soucis par rapport à la santé affective et sexuelle, tu peux contacter le Cesas par téléphone (+325 285 694) ou email (contact@cesas.lu).
1. Wat ass de Cesas a wat versteet een ënner affektiver a sexueller Gesondheet?
De Centre national de référence pour la promotion de la santé affective et sexuelle (Cesas) als Referenzzentrum schafft am Hannergrond. Mir ginn zum Beispill net a Klassen oder Jugendhaiser fir Opklärung oder Sensibiliséierung ze maachen. Dat iwwerloosse mir Fachleit vum Terrain, mat deene mir awer enk zesummeschaffen.
De Cesas
- bitt de Fachleit (Educateur·ricen, Enseignant·en, Leit aus dem Santésberäich…) Formatiounen un,
- organiséiert Evenementer mat aneren Acteuren, zum Beispill d’Woch vun der affektiver a sexueller Gesondheet,
- schafft mat Fachleit vum Terrain Tools aus, zum Beispill de Guide an den Toolkit „Let’s Talk about Sex!“ oder d’Broschür an den Internetsite mengverhuetung.lu,
- proposéiert eng online-Geolokalisatioun mat der een erausfënnt, wat fir Servicer et hei am Land ginn, wann een eng Fro zu senger affektiver a sexueller Gesondheet huet.
Sexuell Gesondheet
- betrëfft d‘Wuelbefanne vun enger Persoun um kierperleche, emotionale, mentalen an tëschemënschleche Plang gläichzäiteg,
- ass méi wéi nëmme keng Krankheeten, Dysfonctionnementer oder Behënnerungen ze hunn,
- verlaangt eng positiv Approche zur Sexualitéit, déi fir all Mënsch e Liewe laang vu Bedeitung ass,
- respektéiert Sexualitéit a sexuell Relatiounen,
- verhëlleft dozou, d‘Méiglechkeet ze hu fir angeneem a sécher sexuell Erfarungen ze maachen,
- schléisst Zwang, Gewalt an Diskriminéierung aus.
Sexualitéit ass e Liewe laang en zentralen Deel vum Mënsch, an ëmfaasst
- dat kierperlecht Geschlecht, déi sexuell Identitéit a Gender an déi sexuell Orientatioun,
- Erotik, Pleséier an Intimitéit,
- Fortplanzung.
Si gëtt gelieft an ausgedréckt als Gedanken, Fantasien, Wënsch, Iwwerzeegungen, Haltungen, Wäerter, Verhalensweisen, Rollen a Bezéiungen, an ass beaflosst vu ville Facteuren, déi zesummespillen, zum Beispill Biologie, Psychologie, Gesellschaft, Politik, Kultur, Ethik, Relioun, Geschicht, Recht….
Jiddereen·t sollt, ouni Zwang, Diskriminatioun oder Gewalt ausgesat ze sinn, Zougang hunn zou
- beschtméiglech sexueller Gesondheet, Gesondheets- a Fortplanzungsservicer,
- Informatiounen iwwer Sexualitéit a Sexualerzéiung,
- kierperlecher Onverséiertheet a Respekt vum Kierper,
- fräiem Choix vum/vun de Partner‧in/en,
- fräie Choix, en aktiivt Sexualliewen ze hunn oder net,
- fräi a selbstbestëmmte sexuell Bezéiungen,
- fräi a selbstbestëmmte Bestueden,
- de Choix Kanner ze hunn, an ze decidéieren, wéi vill a wéini,
- eng erfëllter, sécherer a schéiner Sexualitéit.
D’Ausübe vun dëse Rechter däerf den aneren hir Rechter net verletzen!
2. Wat fir Servicer proposéiert de Cesas fir déi Jonk?
mengverhuetung.lu
mengverhuetung.lu, zesumme mam Planning Familial an aner Acteuren aus dem Gesondheetssecteur, deen all d’Verhütungsmëttel déi zu Lëtzebuerg disponibel sinn, virstellt, mat
- Informatioun a 4 Sproochen (DE, FR, EN, PT), doriwwer,
- wéi d’Mëttel funktionéiert,
- wourop opzepassen ass,
- op eng Ordonnance néideg ass,
- wou dat Verhütungsmëttel ze kréien ass,
- wat Vir- an Nodeeler sinn,
- wéi Pilule d’urgence ze benotzen ass,
- engem FAQ fir (bal) all Fro déi sech stelle kann,
- Grafiken, fir besser ze verstoen.
Reorientéierung bei Froen oder Besoinen
Jonke Leit, déi Froen oder Probleemer mat hirer affektiver oder sexueller Gesondheet hunn, kënne mir hëllefen, e Service ze fannen, dee kompetent ass an hinne weiderhëlleft.
Et kann een eis uruffen (+352 285 694) oder eng Email schécken (contact@cesas.lu).
Mat eiser online-Geolokalisatioun kann een erausfannen, wat fir Servicer et hei am Land ginn. Fir net laang ze sichen, hei dräi wichteg Telefonsnummeren:
- 123 21 – BEE SECURE-Helpline, wann een Affer ginn ass vu Cybermobbing, online-Diskriminatioun, Sextorsion…
- 116 111 – Kanner- a Jugendtelefon, wou ee Kanner a Jonker nolauschtert an Hëllef proposéiert (anonym, gratis)
- 29 65 65 – Meederchershaus (Femmes en détresse), wann s du als Meedchen/mannerjäreg Fra (12-21 Joer) Affer gi bass vu Gewalt
3. A wat mécht de Cesas nach?
Let's Talk about Sex!
Esou heescht e gemeinsame Projet vu verschiddenen Acteuren aus dem Gesondheets- a Sozialsecteur, wou de Cesas och mat dobäi ass. D’Zil ass et, Professioneller besser z‘ekipéieren, fir datt si op all Fro oder Suerg vu Jugendlechen zum Thema Sexualitéit agoe kënnen. Sexualitéit soll keen Tabu-Thema bleiwen! Dofir gëtt e Guide fir Professioneller déi mat Jonker schaffen, wou si déi wichtegst Informatioune fannen, fir op all Froe vu Jonker korrekt äntweren ze kënnen. Et ginn och Formatiounen, fir sech méi sécher ze spieren, wann ee Wëssen ëm d’Sexualitéit weidergëtt.
Den Toolkit Let’s Talk about Sex! proposéiert 30 Aktivitéite ronderëm eenzel Themen, déi an enger Klass oder engem Grupp kënne gemaach gi, fir iwwer Sexualitéit ze schwätzen. Jidderee kann dës Materialien online eroflueden.
safersex.lu
Mat safersex.lu entsteet eng Informatiounsplattform fir Jonker, mat fundéiert, gepréift a neutral Informatiounen iwwer Sexualitéit. Jonker aus Jugendhhaiser an aus Lycéesklasse bedeelegen sech um Contenu vun dësem Site. Niewt den Haaptverantwortlechen 4Motion an HIV Berodung/Croix-Rouge luxembourgeoise schafft de Cesas och mat un dësem Site.
Woch vun der affektiver a sexueller Gesondheet
All 18 Méint organiséiert de Cesas zesumme mat aner Acteuren aus dem Beräich vun der sexueller Gesondheet eng Sensibiliséierungswoch. Am Zäitraum vun enger Woch fannen da vill verschidden Aktivitéiten, Evenementer, Formatiounen… statt. Och fir Jonker ass ëmmer eppes dobäi. Dowéinst lount sech e Bléck an de Programm.
